'100 ka' Petrol

Miya, tum toh jaan lekar rahoge! 

Customization ke iss jamaane mein, Petrol ka daam na puchiye;

Aam Aadmi ki kimat ik din liberal ho jayegi, bass ‘kambkhat’ mehangai ka hisaab lagaana chhod dijiye!


Social media ke iss chalan mein, Wi-fi aur 3G se naata jodiye;

Aur `gar jo Neta-log hi status update dene lag jaaye, toh ‘LIKE’ karna na bhuliye!


Modernization ki hawaa hai, mausam bhi kuch jawaan hai;

Paas koi naari beizzat kari jaaye, toh kripya haath badhaana na bhuliye!


Customization ke iss jamaane mein, yaad se bhi Petrol ka daam na puchiye;

Aur jo `gar jawaab mil bhi jaaye, toh ‘100 ka’ keh kar phir apmaan na kijiye!


Guarantee-warranty ke chakkar mein, ab aur samay barbaad na kijiye;

Insaaniyat se hi sahi, koi toh achha kaam bhi kijiye!


Aam Aadmi jab sadako par aa jaaye;

Toh ‘kripya shanti banaaye rakhein’ batlaana chhod dijiye!


Kimat toh har chiz ki lag jayegi, aaj nahi toh kal;

Jo zamir hi bik jaaye, toh phir kya baat kijiye!

Customization ke iss jamaane mein, petrol ka naam lena hi chhod dijiye!